ལོ་རྒྱུས།

ཕྱི་ལོ་ ༢༠༠༥ ལོར་ཆོས་ལུགས་རིས་མེད་དང་ཆོལ་ཁ་དབྱེར་མེད་ཀྱི་བོད་མིའི་སྐྱིད་སྡུག་གསར་དུ་བཙུགས་པ་དང་སྐྱིད་སྡུག་གི་ལས་མི་བརྗེ་སྤོར་ཐེངས་གཉིས་བྱས་རྗེས། ༢༠༠༨ ལོར་མང་མོས་འོས་བསྡུའི་ལམ་ནས་ཚོགས་གཙོ་དང་ཚོགས་གཞོན་གྱིས་མཚོན་པའི་ཚོགས་མི་བདམས་ཐོན་གྱི་སྐྱིད་སྡུག་དེ་ཉིད་ཚོགས་པའི་ངོ་བོར་བསྒྱུར། དེ་ནས་བཟུང་སྐབས་དང་པོ་དང་གཉིས་པ་གཉིས་ལ་ལོ་གཉིས་རེ་དང་སྐབས་གསུམ་པ་ནས་ད་ལྟ་སྐབས་ལྔ་པའི་བར་དུ་ལོ་གསུམ་གྱི་ལས་ཡུན་ཚད་བཀག་ལྟར་འགྲོ་བཞིན་ཡོད། ལས་གནས་དེ་དག་གི་རིང་བོད་སྤྱི་པའི་འགན་འཁྲི་དང་བོད་མི་རིགས་ཀྱི་རྩ་དོན་མཐའ་དག་མི་ཉམས་གོང་འཕེལ་དང་ཉམས་པ་སོར་ཆུད་ཀྱིས་བོད་མི་རིགས་ཀྱི་སྲོལ་རྒྱུན་རིག་གཞུང་དང་། གོམས་སྲོལ་རྒྱུན་གནས་ཐུབ་ཆེད་ལོ་གསར་གཙོས་པའི་ས་གནས་བོད་མི་དག་མཉམ་འཛོམས་ཀྱིས་ལོ་རེར་མང་གཙོའི་དུས་ཆེན་དང་ྋགོང་ས་སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་ཀྱི་མཛད་སྒོ།

ད་ལྟའི་འཆར།

ད་ལྟའི་འཆར་འདི་གར་ནེ་རྡར་ལན་ཌི་རུ་བོད་མི་ ༡༠༠༠ ཡས་མས་ཙམ་ཡོད་པ་དང་། དེའི་ནང་བོད་ཕྲུག་ཡང་མི་ཉུང་བ་ཞིག་ཡོད། དེ་དག་ལ་བོད་མི་རིགས་ཀྱི་ཐུན་མིན་སྐད་དང་ཡི་གེ་ཆོས་དང་རིག་གཞུང་། ཡ་རབས་བཟང་སྤྱོད་དག་མི་ཉམས་གོང་འཕེལ་དང་ཉམས་པ་སོར་ཆུད་ཡོང་ཐབས་སུ། ན་ཆུང་བྱིས་པ་ལོ་ན་གསུམ་བཞི་ཡན་དང་གནས་ཡུལ་གཞུང་གི་བཀའ་དྲིན་འོག་དེང་དུས་ཀྱི་སློབ་སྦྱོང་ཚད་འཐོར་ཡོད་པའི་མཐོ་སློབ་ལ་འགྲོ་བཞིན་པའི་བོད་ཕྲུག་མན་ཆད། ད་སྐབས་ཁྱོན་བསྡོམས་བོད་ཕྲུག་བརྒྱ་ལྷག་ཙམ་དང་། དང་བླངས་བོད་དགེ་བརྒྱད་ལས་གྲུབ་པའི་(གངས་ལྗོངས་རིག་མཛོད་སློབ་གྲྭ)འདི་བཞིན་གསར་འཛུགས་ཞུས་པ་དང་། དེ་ནས་བཟུང་བོད་མི་རིགས་ཀྱི་སྐད་ཡིག་རིག་གཞུང་ལོ་རྒྱུས་དང་བཅས་པ་སློབ་སའི་ཁོར་ཡུག་ཞིག་བསྐྲུན་ཏེ་བོད་ཀྱི་སྐད་དང་ཡི་གེ་སྦྱང་སའི་རྨང་གཞི་ཞིག་བཙུགས་ཐུབ་པ་བྱུང་ཡོད།

མ་འོངས་པའི་ལས་འཆར།

སྤྱི་ཁང་ཉོ་རྒྱུའི་ལས་འཆར་དང་དམིགས་ཚད།

༼སྤྱི་ཁང་ཉོ་རྒྱུའི་ལས་འཆར་མདོར་བསྡུས།༽

རྩིས་ཁྲ།

ནེ་རྡར་ལེན་བོད་རིགས་ཚོགས་པའི་ལོ་འཁོར་རྩི་ཁྲ་སྐབས་སོ་སོའེ་རྒྱུན་ལས་ཐུན་མོང་ནསསྟོན་གྱི་ཡོད། རྩི་ཁྲ་སྟོན་དགོས་དོན་ནི་ནེ་རྡར་ལེན་བོད་རིགས་ཚོགས་པའི་ཕན་ནུས་ལྡན་པས་འགྲོ་གྲོན་རྣམས་ཚོགས་མི་ཡོང་ལ་སྟོན་རྒྱུ་དང་དངུལ་རྩི་ཕྱི་གསལ་ནང་གསལ་ཡོང་ཐབས་སུ་ཡིན།

ཚོགས་མི།

༼ཚོགས་མིའི་ལས་འཆར་མདོར་བསྡུས།༽

སྒྲིག་གཞི།

༄༅། །ས་གནས་ནེ་རྡར་ལན་ཌི་བོད་རིགས་ཚོགས་པ་གསར་འཛུགས་བྱེད་དགོས་པའི་དམིགས་ཡུལ་ནི། ནེ་རྡར་ལན་ཌི་གནས་སྡོད་བོད་མི་ཕན་ཚུན་འབྲེལ་འདྲིས་དང་མཐུན་ལམ། སྐྱིད་སྡུག་མཉམ་འཁུར་བྱེད་པའི་ཆེད་དུ་ཡིན་པར་མ་ཟད། ༧སྐྱབས་གནས་༧གོང་ས་ཡིད་བཞིན་ནོར་བུས་དབུ་ཁྲིད་དང་ལམ་སྟོན་འོག་ཡོད་པའི་རང་གཞུང་གི་མཛད་བྱུས་ཁག་ལ་ཤར་སྐྱོད་བྱ་རྒྱུ་དང་། བོད་མི་ནང་ཁུལ་ཆིག་སྒྲིལ་སྲ་གཏན་གོང་མཐོར་གཏོང་ཐབས་གཙོར་བཟུང་བྱ་རྒྱུའི་ཐོག་སྔོན་རབས་ལོ་རྒྱུས་དང་། ད་ལྟའི་གནས་བབ། མ་འོངས་ཕུགས་འདུན་གཅིག་པའི་བོད་མི་སྤྱི་ཡོངས་ཀྱི་མཚན་སྙན་ལ་ཕན་པའི་ལེགས་སྤེལ་ཉེས་འགོག་གི་ཞབས་འདེགས་བསྒྲུབ་ཐུབ་པའི་རེ་འདུན་དང་། བོད་ཀྱི་ཐུན་མོང་མ་ཡིན་པའི་ཡ་རབས་བཟང་སྤྱོད་ཀྱི་གོམས་གཤིས་མི་ཉམས་གོང་སྤེལ་དང་། ཉམས་པ་སོར་ཆུད་ཡོང་བའི་ཐབས་ལམ་དམིགས་སུ་བཟུང་སྟེ་འབྲེལ་ཡོད་ཚོགས་མི་རྣམས་ནས་ཀྱང་།