ལོ་རྒྱུས།

ཕྱི་ལོ་ ༢༠༠༥ ལོར་ཆོས་ལུགས་རིས་མེད་དང་ཆོལ་ཁ་དབྱེར་མེད་ཀྱི་བོད་མིའི་སྐྱིད་སྡུག་གསར་དུ་བཙུགས་པ་དང་སྐྱིད་སྡུག་གི་ལས་མི་བརྗེ་སྤོར་ཐེངས་གཉིས་བྱས་རྗེས། ༢༠༠༨ ལོར་མང་མོས་འོས་བསྡུའི་ལམ་ནས་ཚོགས་གཙོ་དང་ཚོགས་གཞོན་གྱིས་མཚོན་པའི་ཚོགས་མི་བདམས་ཐོན་གྱི་སྐྱིད་སྡུག་དེ་ཉིད་ཚོགས་པའི་ངོ་བོར་བསྒྱུར། དེ་ནས་བཟུང་སྐབས་དང་པོ་དང་གཉིས་པ་གཉིས་ལ་ལོ་གཉིས་རེ་དང་སྐབས་གསུམ་པ་ནས་ད་ལྟ་སྐབས་ལྔ་པའི་བར་དུ་ལོ་གསུམ་གྱི་ལས་ཡུན་ཚད་བཀག་ལྟར་འགྲོ་བཞིན་ཡོད། ལས་གནས་དེ་དག་གི་རིང་བོད་སྤྱི་པའི་འགན་འཁྲི་དང་བོད་མི་རིགས་ཀྱི་རྩ་དོན་མཐའ་དག་མི་ཉམས་གོང་འཕེལ་དང་ཉམས་པ་སོར་ཆུད་ཀྱིས་བོད་མི་རིགས་ཀྱི་སྲོལ་རྒྱུན་རིག་གཞུང་དང་། གོམས་སྲོལ་རྒྱུན་གནས་ཐུབ་ཆེད་ལོ་གསར་གཙོས་པའི་ས་གནས་བོད་མི་དག་མཉམ་འཛོམས་ཀྱིས་ལོ་རེར་མང་གཙོའི་དུས་ཆེན་དང་ྋགོང་ས་སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་ཀྱི་མཛད་སྒོ། ྋསྐུའི་འཁྲུངས་སྐར་གཙོས་མཛད་སྒོ་ཆེ་ཁག་དང་གཞུང་འབྲེལ་མཛད་སྒོ་གང་ཡོད་འདི་གར་ཡང་སྤྱི་མཚུངས་ལྟར་གོ་སྒྲིག་ཞུ་བཞིན་པ་དང་། ལྷག་པར་དུ་གཞིས་ལུས་རྒྱལ་གཅེས་དཔའ་བོ་དཔའ་མོ་དག་ལ་གདུང་སེམས་མཉམ་སྐྱེད་དུ་དུས་དང་འཚམ་པའི་མཆོད་འབུལ་སྨོན་ལམ་ཞུ་བཞིན་ཡོད།

9afe507d-45ce-4fb8-bd41-4ab7d66d06e7

༧གོང་ས་༧སྐྱབས་མགོན་ཡིད་བཞིན་ནོར་བུ་མཆོག་༢༠༡༨ ལོར་ནེ་རྡར་ལན་ཌི་རུ་ཆེབས་སྒྱུར་བཀའ་དྲིན་བསྐྱངས་སྐབས།